伊莉討論區

標題: 韓娛十大新聞之悲《RM》鐵定明年2月摺埋男星捲性侵風波 [打印本頁]

作者: rousseau73 時間: 2016-12-27 12:09 AM 標題: 韓娛十大新聞之悲《RM》鐵定明年2月摺埋男星捲性侵風波

慘事一：《RM》摺埋
韓國人氣綜藝節目《Running Man》自2010年播出後，喺亞洲大受歡迎，七位成員劉在錫、宋智孝、Gary、金鐘國、李光洙、池錫辰及HaHa多年來合作無間，可惜自10月Gary以專注音樂事業為由決定退出節目後，粉絲都大感晴天霹靂，點知事隔不足兩個月，本月14號就到金鐘國及智孝離開節目，有指因《RM》節目改組關係，節目組決定踢走智孝同金鐘國換新血，令粉絲大感震驚。事隔兩日，節目組與六位成員開會後，鐵定六位成員共同進退，一齊演出節目至明年，預計《RM》將於明年2月底播出最後一集。
衰事二：多名男星捲性侵風波
當中最轟動就梗係要數6月起，接二連三爆出多位一線男星捲入性侵醜聞，最令全城轟動就要數當紅男團JYJ嘅成員朴有天，佢先後被4名唔同嘅女子指控性侵，雖然事後警方已證實朴有天冇性侵嫌疑，但由於佢喺當兵時出入夜店，加上捲入性侵醜聞，令到佢形象跌至谷底。而朴有天爆出性侵醜聞後，《愛你的時間》男星李鎮旭、韓劇《達子的春天》男星李民基都先後捲入性侵案，當中二人都被證清白。曾演出韓片《初戀築跡101》嘅已婚男星嚴泰雄，今年8月亦都捲入性侵案，事後警方證實佢無罪，但就以涉性交易起訴嚴泰雄，最後嚴泰雄性交易罪成，其妻尹慧珍亦因事件疑不堪壓力而流產。除咗性侵醜聞外，年底亦爆出男星裸聊自慰片流出，《獄中花》男星徐河俊、《天上的約定》男星徐俊英、男團A-JAX嘅亨坤都捲入其中。
衰事三：大陸爆出「限韓令」
8月大陸忽然傳出「限韓令」、「禁韓令」之說，有指因美韓部署「薩德」反導彈系統，令到韓國同大陸嘅關係惡化，有傳大陸各大電視台、平台等都收到中央指示，嚴禁播放韓劇、韓綜、甚至韓星廣告等，就連商演都禁絕邀請韓星，令到唔少韓劇、韓片都禁絕大陸，原本嘅品牌代言人亦被取代，多位一線韓星如李英愛、全智賢、宋仲基等都受牽連，特別係事隔10多年再復出拍劇嘅愛姐，原本今年已拍畢《師任堂》，準備中韓同步播，點知拍完多時一直上映無期，愛姐更親自寫信希望可以盡快喺大陸通過審批，劇集喺韓國就會下月播出，大陸有冇得播仍係未知之數。不過外交部就否認有「限韓令」之說，但呢個現象就確實喺大陸發生，令到一向喺大陸搵真銀嘅韓星即時收入大減，但無損佢哋喺各地嘅人氣。
衰事四：子瑜捲台獨風波
今年年初有女團TWICE台灣成員周子瑜嘅台獨事件掀起亞洲各地熱烈討論，事發起因係子瑜曾經喺韓國節目上高舉台灣青天白日滿地紅國旗，因而被台灣藝人黃安喺微博檢舉，事件觸發大陸網民發起封殺，最終子瑜拍下一段道歉片段，「被道歉」影片曝光後台灣、韓國網民都力挺子瑜，但大陸網民就繼續封殺子瑜及其公司JYP。
衰事五：韓星捲朴槿惠密友干政風波
要數韓國今年最轟動新聞，韓國人就必定選總統朴槿惠因為容許密友崔順實干政風波，事件爆出後全國上下都舉行多次集會要求總統下台，而事件唔多唔少都有牽涉入演藝界，包括YG事務所、PSY、朴海鎮、Jessica、金秀賢等，喺韓國都有報道指佢哋曾間接或直接與崔順實有連繫，不過所有報道都未得予證實，捲入是非嘅藝人都否認其事。不過今次朴槿惠醜聞亦令向來甚少談及政治嘅韓星都紛紛表態，好似朴信惠、金裕貞、神話Dong Wan、李準、劉亞仁、李孝利等都有力挺集會人士或親自參與集會人士，齊聲要求朴槿惠下台。
哀事六：金成珉上吊自殺
今年6月，人氣韓劇《茶煲阿四》43歲男星金成珉在寓所上吊自殺，送院搶救後依然昏迷，後醫院判定他為腦死亡，其家屬同意將金成珉的腎臟、肝臟及眼角膜捐予5名病人，遺愛人間。

心得：每年年終都是年度大事回顧，悲哀事情也是大家的焦點。

[attach]117081491[/attach][attach]117081492[/attach][attach]117081493[/attach][attach]117081494[/attach][attach]117081495[/attach][attach]117081496[/attach][attach]117081501[/attach][attach]117081502[/attach][attach]117081497[/attach][attach]117081498[/attach][attach]117081499[/attach][attach]117081500[/attach]

作者: rita000520 時間: 2016-12-27 07:39 AM

韓國社會其實很變態.只是很多醜事都被壓下來罷了

歡迎光臨伊莉討論區 (http://w.m.wahas.com/)